Silverlink 大眾版網站推出
為準退休及退休人士而設，一站式介紹長生津規劃、慳稅規劃、資助規劃及平安三寶服務。
初心
我們見過太多長輩：有層樓、有少少積蓄，以為自己「唔夠窮」，一直冇申請長生津；亦見過家庭喺長輩突然入院時，因為冇持久授權書，連戶口都郁唔到。
呢啲唔係錢唔夠嘅問題，而係冇人一次過講清楚。政府嘅津貼、慳稅嘅額度、各種資助同法律文件，分散喺唔同部門、唔同條文入面。Silverlink 就係想做嗰個幫你將所有嘢擺埋一齊計嘅人。
願景
令每一位香港長者，都可以有尊嚴、有保障咁安享晚年。
使命
用淺白、如實嘅方法，幫長者同家人理順長生津、慳稅、資助同傳承安排，由規劃一路陪到覆檢。
核心價值：三管齊下
長生津規劃
以七層防護架構重新安排資產，合法過到入息及資產審查，建立終身現金流。
慳稅規劃
退休前用盡扣稅額度，並幫子女申索供養父母嘅免稅額。
資助規劃
按年齡同身份逐項核對醫療、牙科、交通、照顧等資助。
三方面互相牽連：同一個決定，可能同時影響稅單、津貼資格同可申請嘅資助，所以要一齊計。再配合平安三寶，照顧安老同傳承。
公司消息
Silverlink 的產品更新、政策提示、夥伴合作與活動公告，都會喺呢度第一時間公布。
「養老政策透視」專欄上線
20 篇文章，由長生津每一條規則，讀懂政府點樣看待晚年安排。
了解更多
預設醫療指示新條例生效
《維持生命治療的預作決定條例》於 7 月 31 日生效，訂立及撤銷安排有明確法律框架。
了解更多
2026 年長生津入息及資產限額
2 月 1 日起，單身人士每月入息上限 $10,900、資產 $415,000；夫婦為 $16,680 及 $630,000。
了解更多
社區及專業夥伴網絡
誠邀長者中心、社福機構、律師行、醫務所及信託機構合作，為長者提供更完整的支援。
了解更多
「智齡銀領 Smart Ager」創始會員招募
讓退休及準退休人士成為會員，持續使用資助、慳稅及生活優惠，並把經驗傳開去。
了解更多
媒體查詢
如需訪問或資料查詢，歡迎經 WhatsApp 與我們聯絡。
加入我們
唔一定要做全職。無論你想貢獻時間、想用自己嘅專業，定係想由自己嘅退休開始做起，都有位置。
全職／兼職
WhatsApp 查詢職位
加入團隊
如果你相信長者應該得到更清楚、更如實嘅退休規劃，歡迎加入 Silverlink。我們提供培訓，最重要係你願意慢慢講、聽得入耳。
退休規劃顧問
同長者及家人面談，整理資產及需要，跟進長生津、慳稅及資助規劃。
全職／兼職社區關係主任
聯繫長者中心及社福機構，籌辦社區講座及個案轉介。
全職福利主任
協助長者及家人核對各項福利及資助資格，準備申請文件，跟進申請及覆檢。
全職
義務參與
報名做義工
義工招募
好多長輩唔係唔合資格，只係冇人陪佢行一次。義工毋須金融、社福、法律背景，我們會提供培訓；每月半日起，完成培訓後可獲義工服務時數證明。
陪伴申請
陪長輩去社會保障辦事處，協助填表及準備文件。
社區推廣
喺屋苑、長者中心派發資料，講解長生津同各項資助。
講座支援
協助登記、接待及場地安排。
翻譯及書寫
協助視力或書寫不便的長者閱讀文件。
電話關懷
覆檢季節致電提醒長輩準備文件。
會員社群
成為智齡銀領 Smart Ager
退休唔等於停低。智齡銀領係 Silverlink 嘅會員社群，畀已經理順自己退休安排嘅長者，將經驗傳開去。計劃籌備中，現正招募首批創始會員。
學
專屬講座及工作坊，掌握最新政策同資助。
做
成為社區大使，用自己嘅經歷同街坊分享。
連
同其他退休人士一齊做活動、行山、遊學。
享
合作商戶長者生活優惠（陸續加入）。
名稱及內容以正式推出時公布為準。
登記做創始會員